中東空姐獨遊記｜道聽途說之遊人故事 － 伊朗篇

好耐冇打文，忙於去旅行，大旅行小旅行一個接住一個，最近sby比較多所以終於有時間寫下野。平日去歐洲玩住hostel，通常會遇到fresh graduates、gap year既青年人、美國或澳洲人第一次去歐洲玩，或岩岩同男朋友分手去歐洲散心的落寞女子（雖然咁既人比較少但唔係冇遇過）。依幾個月去左伊朗約旦同高加索三國，根據我既非正式唔理性既統計，去依d地方玩既遊客或獨遊人，都去左好多非大路既國家，有好多有趣故事同我分享，或許佢地本身就係一個有故事既人！

即搜香港到伊朗機票

卡塔爾航空｜查詢去<伊朗>的機票

例如係Armenia遇到一對母女，呀媽係60幾70歲既退休護士，行得走得冇病冇痛，呀女好安靜的一個中年女子。呀媽年輕時60年代已經去晒咩阿富汗埃及呀等等，成程同我地有傾有講，而個女反而冇咩搭得上咀。成程都好似係個呀媽帶個女去旅行咁，之後佢仲問個女點解佢地可以獨遊而你自己唔得？原來係個女叫呀媽陪佢去旅行。成件事都真係有點搞笑囉！

講得太多支節添，其實我係想講既係一位我係伊朗識既澳洲叔叔。係伊朗最後一日，同友人分道揚鑣之後，我就係hostel用下wifi啦！咁岩係個落緊雨既下午，依位叔叔又同我一樣係度玩電話！之後唔知邊個開口先，我地開始傾計，由我地係邊度黎係伊朗玩成點，再到Briexit 歐盟前景 侵侵上台 習大大政權 世界未來會係點，再番到黎中東中亞人權文化風俗，我地一傾就已經三個幾鐘，後來先發現大家都好餓但傾得太開心冇出到聲😂

原來呀叔叔佢已經退休，係澳洲有樓出租，以支持自己旅行的遊牧生活。佢係尼泊爾留左個幾月，好想做d野去幫下其他國家貧困的人，加上自己只係旅行冇咩目標，不如一邊去旅行一邊幫下人，所以就成立左一個非牟利組織，叫Oneworld Onelife。嘩，一聽到依道真係除左感覺到佢頭上既光環之外，仲覺得佢係人生勝利組，我既榜樣呀！

伊朗的日落

但叔叔話，因為係非牟利組織，所以一方面要搵義工幫手做宣傳等工作，另一方面要搵遊客或義工去當地進行義教等工作。係網頁上睇到佢既program除左尼泊爾仲有海地等等的國家。但作為搞手一點都唔容易，有時遇上不太領情比較自私的受助人，或義工工作達不到預期效果，亦感到人性的黑暗面。我問佢，咁既然係咁，你還要繼續搞落去嗎？佢話，依個係一個好問題，佢亦都諗緊應唔應該繼續下去。

聽到依道我覺得非常可惜，有人有心有力有大愛精神去做人道工作，但出來的結果係發現原來人都係自私的動物，真係好唏噓。我作為香港基層市民，冇咩方法可以為佢幫上大忙，如果大家睇到依道係有興趣想以義工義教等的方式去旅行既話，不妨留意下或入去佢個機構既facebook睇下：
https://www.facebook.com/oneworld.onelife.545/ 

（利申：以上係專業冇收費，純粹因為欣賞而寫的分享文）