中東空姐｜飛機餐的故事（一）

今日我要同大家講飛機餐的故事。素來飛機餐都係數人頭計，有幾多個客就比咁多個餐，當然啦，另外仲有crew meal，就係比crew食既餐，有時crew meal同乘客飛機餐係唔同菜單既，有時候乘客得唔到佢地想要既飛機餐，空服員就要比個crew meal比乘客以免比人投訴。

雖然有時d飛機餐真係好搶手，但一般來說平日都會有剩，可能係因為有乘客唔食或者上到機既乘客人數比預算的少。

好啦講完一大堆入正題啦！話說依兩個故事都係我係航班上八卦番黎既。

故事一：

話說有個crew搭上左個副機師，有一日個crew就上左去個副機師屋企啪啪啪。係未啪之前個crew有d餓，就叫個KFC外賣黎食左先再大戰。等緊個外賣黎既時候，佢就諗住搵d野飲下。

一打開呀副機師個雪櫃，佢居然見到雪櫃入面有一大堆經濟艙既飛機餐！嘩，雖然話就話讀揸飛機好貴，學費有排還，但都唔使慳成咁呀？加上飛機餐好咸唔多健康，平時係飛機就話冇野可以食唯有焗住食姐，係屋企都係咁？然後，個crew比d飛機餐嚇親，立即搵籍口走人，以後都唔見個副機師lu

故事二：

係一班前向Manchester 既航班上，經濟艙幾乎全部crew都係某國家既人（該國係我公司人數+勢力都好強大），講依個故事比我聽既就係唯一既西方人。

係飛機快要降落既時間，咁大家都忙於執野，忙完之後果堆同一個國家既crew就圍埋一齊，話你帶前菜、你帶水果、你帶正餐、你帶水、你帶零食，好啦到酒店一個鐘之後去邊個邊個間房開餐，之後再去sightseeing！

下？我有冇聽錯？佢地講緊分工合作偷偷地帶飛機餐去酒店，自制飛機餐放題！平日係飛機仲食唔夠咩？慳家到咁我真係甘拜下風！最後個西方人crew仲話，果堆crew仲問佢要唔要join佢地個飛機餐放題直落sightseeing添！

本來覺得間公司有好多無謂既規矩，但係聽埋聽埋d故事就明白世事真係無奇不有！完全估唔到平日我為左醫肚先會食既千篇一律毫無新意既飛機餐，係其他crew眼中係人間美食.....