中東空姐｜親歷酒店鬧鬼小故事

見到有人話跟住空姐住酒店就一定冇錯！其他公司唔知啦，我公司既安排我地住既酒店有d都ok⋯但有時都幾差下，除左間房好濕、枕頭唔舒服、有床蝨、聽到隔離房啪啪啪、有非洲味之外，有時仲有果d野！

（以下內容膽小鬼勿看，如膽小又想睇，請搵多個人同你睇，聽講單數人數講e d野會多個人聽喔）

拿！雖然飛左兩年，但由於本人係果方面唔敏感，所以咁耐以黎只遇過一次疑似事件！話說果間酒店已經唔係第一次住，一直都冇咩問題。當時30幾個鐘冇訓，訓著左個幾鐘，突然半夢半醒咁聽到有個女人係我耳邊破口大罵（雖然聽唔明佢d話但係都feel到佢鬧緊我）！

我全身又郁唔到，但係太攰所以已經當時冇咩反應，以為自己發緊夢。後來隔左一陣清醒左個身又郁得番，先意識到果陣個感覺都幾真實，唔多似發夢！到第二日見番d crew，講起佢地都訓得唔係好舒服，有果d野，我再share埋我比鬼壓的故事，大家都覺得⋯真係有d野啊！

而我聽過最寒既公司酒店鬼故，係一個台灣crew話我知！

由於佢時不時都會感覺到或睇到，所以中招既機會都幾高！話說佢做果班機係非洲某渡假勝地，陽光與海灘，仲好難得有一日假添！佢間房有兩張床，佢是但訓左係其中一張。當佢滿心歡喜第一晚係酒店訓覺果陣，突然訓訓下唔係咁舒服醒左，然後佢見到有個亞洲女仔係佢床下底飄出黎，飄走左！

之後佢嚇到轉左去另外果張床訓。我問佢做咩唔換房呀，如果係我一定會換房！佢話佢唔想得罪果d野喎！佢換左床訓之後已經冇咁唔舒服，但係仲係頭暈眼花又發燒咁。所以一日假陽光與海灘全部都唔關佢事，結果佢係果間撞鬼酒店房休息同訓左果一日假，叫room service解決三餐。

到第三日要飛番沙漠，上左飛機先冇唔舒服同發燒咋！嘩我仲好記得當時同佢係做半夜濕9來回班，本來都幾眼訓，但聽到佢既故事之後成晚都唔恰眼訓囉！

作者：YING
駐中東空姐，最愛DAY OFF 歐洲獨遊！