獨遊記｜Hostel 超特別體驗

Hostel 對於獨遊的我來說簡直是窮人恩物！由於一個人住酒店就比較貴而且本人不太鐘意（怕）一個人住一間房，所以Hostel就是很好的選擇。獨遊既可以係Hostel識到唔同國家既人，分享下自己國家既野或者所在的國家同城市有咩好玩！

有時岩傾仲可以成為朋友或旅伴一齊玩！我亦都有住過有D Hostels會提供免費或平價晚餐。我就係葡萄牙住過一間咁既Hostel，有廚師定下每日既晚餐Menu，如果你想係Hostel食Sign Up就得嫁啦！一邊食住家菜一邊識下新朋友都幾正！

而我第一次住Hostel是第一次獨遊兼第一次去歐州，我仲記得係係巴黎住在一間無熱水沖涼同風筒的Hostel...雖然是6月可是晚上只有十幾度 Well諗起都覺得凍！之後住過無數次Hostel，對選擇Hostel愈來愈求其…我都唔想嫁但係有時懶得Plan，有時就太即興所以咪咁囉！而最爆既經歷，就一定係係巴爾幹半島 Montenegro 既Kotor果次！

果陣8月去Montenegro，我仲記得係當地留最後一晚，本來諗住食完飯check埋聽日幾點坐巴士就訓覺啦，鬼叫Montenegro 咁隔涉冇直航番沙漠！而係我仲玩緊電話既時候，一對情侶番到dorm，佢地細細聲咁講左兩句野就一齊訓左係我下格床，拉埋𥦬簾，然後.....緊接著既係接吻聲同呼吸聲！Um....其實佢地已經好低調，但間房太靜又冇開冷氣，其實...我真係唔想聽到！我亦都好想話佢地知房入面係有廁所，但人地打得火熱唔知點開口同佢地講。

之後我已經反晒白眼，然後感覺到張床...呃有點地震！我唯有大大聲咁黎個轉身，希望佢地感受到其實係佢地上格床係有個人好想訓但比佢地搞到訓唔著！！我真係唔想參與佢地既...運動！等下等下唔知係佢地完事定佢地聽到d dorm mate 番黎既聲音，終於平靜番。Well可能我住得mix dorm少，咁既事可能時有發生，不過下次我都唔好咁臨飛先搵 hostel！下次都係住番female dorm，起碼有個好覺訓！

雖然係一個幾特別既經歷，但大家唔想好似我咁就做好功課先訂酒店啦！快D用hotelscombine一次過睇晒酒店、BnB同hostel既比較啦！不論你係獨遊想住hostels定係想自己同朋友住下酒店，定係想住BnB，都可以用hotelscombine睇晒價錢既比較！

►HotelsCombined.com

最後其實Montenegro真係幾正，為左抹走大家比果對情侶帶來的bad feelings，附上Kotor bay的J圖一枚，用靚景洗一洗下眼先

作者：YING
中東空姐，最愛獨遊！