旅遊保保甚麼(二)？

上次就講左關於醫療費用，意外同個人責任。 今次就講大家最最最關心既－物件保障！

市面上五花百門既旅遊保，點解保費又會差咁遠？平至幾十蚊，貴至幾百蚊。咁我又要點揀好呢？好多朋友仔就會用物件保障做個指標，畢竟好多時賠償都會係同行李及個人財物有關。而物件既保障主要有三大類。

- 行李和個人財物
- 現金及旅遊證件
- 行李延誤

因為市面上不同公司有機會將物品放置到不同類別，所以讀者們可以睇返你選購既保險係點分配。但唔緊要，小編係網上節錄兩個常見既保障表，教教大家點樣去睇呢個保障同有咩地方要注意。

(紅線位置為讀者們要留意的地方)
(只供參考，實際情況按客人買的保險而定)

行李和個人財物
不論是遺失了或損毀了隨身行李都是在保障的。但要留意的是，一般保險公司會為每一個單一物品訂了最高賠償金額。

不同的公司和計劃也是有不同的上限。而且要注意，並不是每家公司也會保障手機，所以千萬千萬不要在旅行時唔見成萬銀一部既電話，一黎未必有包，二來就算有都係賠得幾千蚊。到時肉痛都無謂。

同時，有部分公司亦會設有自負額，買前就要花多少少時間揀個岩自已既計劃。

現金及旅遊證件
對於成日去日本或韓國既朋友可能就試得最多，次次買完野都要攪下退稅。個護照就攞出攞入，一唔小心就唔鬼見埋。分分鐘又要去大使館求救，仲要左整右整先返到香港。

又或者好多朋友仔都有聽過去歐洲旅行，只係轉個身，成個袋就唔見左，盤川冇曬攪到要去報警，仲要不停雞同鴨講，諗起都辛苦。

當以上情況不幸發生左既時候，大家就記得攞齊文件返去向保險公司索償，因為因遺失旅遊證件而產生額外交通/住宿費用係有包架！當然都係個句，計劃唔同，保障金額上限當然都有差異。

所以去唔同既地區時真係要考慮呢個範疇，因為不同國家既治安情況都有所不同。起碼不幸出事，都有返少少心靈同銀包既安慰。

行李延誤
不同公司對於個延誤時間有不同理解。6至12小時都有。 因為行李延誤而需購買必須品的費用會被保障，有公司會要求實報實銷形式，亦有公司係一筆過賠。呢個就需要留意返啦。

總結而言，小編個人認為物品保障絕對會係我挑選旅遊保的重要指標。因為每當一個行李被人偷左，入面相機、電腦、包包等等分分鍾都講緊用幾多萬蚊去計算，如果比多一百幾十蚊就可以換取更大既保障，對於大頭蝦既小編黎講絕對係超值。而多於要我係機場等行李6個鐘定更耐。嗯，大概，6個鐘我已經會發脾氣了吧。

好，下次就同大家講下Delay，更改行程同係咩情況下取消行程先會受到保障呢？今日就講住咁多先，如果有任何想了解既topic，記得Email 話我知啦。

祝大家新年快樂，有一個豐盛既2018年！

作者: 食啲飯
Email: stevenlui2015@gmail.com
如果有想知既題目同問題,歡迎話比我知. 下次再同大家見面。