中東空姐｜高加索小國Georgia 小遊記之一

中東除左去歐洲最遠都只係7個鐘之外，去好多地方都好近，如非洲埃及約旦伊朗等等。而我今次講既地方係Georgia 🇬🇪🇬🇪🇬🇪

Georgia?唔係係美國既一個州咩？Atlanta咪係果度囉！錯！我講既Georgia 係俄羅斯下面鄰近Armenia同土耳其既高加索小國Georgia!

依個國家既首都叫Tbilisi,出名既包括：

紅酒：其中一個最早釀造紅酒既國家

高加索山脈：瑞士出名滑雪，但曾經有瑞士人講過Georgia 滑雪仲正過瑞士！

教堂：信奉東正教，好多教堂都好古老同出左好多聖人

我同Georgia 既緣份由岩岩飛果陣講起！話說我飛傭生涯第二班正式飛既航班就係Tbilisi，果陣對呢個地方好好奇就bid黎做，但冇諗過果陣係二月，凍到咩咁！我地要做既航線係DOH-GYD-TBS ，係Tbilisi 過一晚再飛番多hell。係GYD-TBS果轉機遇上好勁既氣流，原本諗住要出車做service，但企都企唔穩點做！

所以我地就坐左係jumpseat等turbulence 過。我心諗唔係第二班機就遇到咁勁氣流咁唔好彩呀！突然同事叫我望出窗外，嘩！頂！好靚呀！係白雪雪延綿不絕既雪山呀！第一次係飛機上睇雪山真係好壯觀！果一刻我已經唔記得左有turbulence 係要驚，但菜鳥飛傭唔敢拎電話出黎影底佢，不過已經係我腦海留下好深印象，決定要自己黎多次去睇Georgia既雪山！

Tbilisi 比我既感覺係好共產好似以前既大陸！但亦都有現代既地方！佢地既文字係好古老的一種語言，第一眼其實我覺得同斯里蘭卡文好似，因為大家都係圓圓地，哈哈！之後layover同crew去食下飯飲下酒咁啦！隔離果枱公公婆婆食完走果陣仲送左佢地自己釀既酒比我地添！

第二次去Georgia 係咁岩我同我flatmate 一齊係聖誕都有off，所以就想一齊出去玩過聖誕！咁我就話得三日假就近近地去Georgia 啦！(呃點知原來Georgian Christmas 係一月七日，12月果個佢地係唔過嫁=P) 而係我地去之前，咁岩我係航班上遇到個俄羅斯大叔，吹吹下水講起我就要去Georgia ，佢話佢好鐘意又成日去Georgia,可以話我知去邊度玩同滑雪！

佢仲比我睇佢岩岩秋天去完影既秋景添！嘩！靚到呢！我一向對秋天秋景都有情意結，睇佢d相個景要紅有紅，要綠有綠，要黃有黃，睇完就決定左要下次去睇秋景！

之後係大叔幫助之下，我地去左Gudauri ，一個滑雪好出名既地方，離Tbilisi 兩個幾鐘既山頭。雪山真係百看不厭，同一個位置，日出日落好天有雲都有不同的景色！大叔仲幫我地搵埋滑雪教練同滑翔傘教練添！可惜既係天氣不似預期玩唔到滑翔傘！

滑雪教練係二十出頭的男仔，教完我地第一日果晚，由於大叔咁岩又去滑雪，所以我地係酒店一齊食飯吹下水！講講下先知原來呀教練係拎左好多次比賽冠軍！之後第二日我地就問呀教練啦，佢就有d怕丑咁講係拎左15次冠軍！嘩，搵佢黎教我地兩個會唔會有d大材小用哈哈！

可惜我地可以玩既時間太短啦，已經係時候落山坐飛機番多哈啦！教練同我地講出年要記得番黎學滑雪，仲交換左facebook添！從此我同我flatmate 得閒冇事做就會一齊J教練滑雪既片！比大家都J下先：