中東空姐｜空姐忘記帶什麼

空姐一向比人美麗大方，一舉手一投足都非常之Jable,如果你係咁諗既話，我強烈建議你唔好再睇落去，因為我以下講既內容會令你幻想破滅！

呃…其實今次我想講既係空姐忘記帶什麼！目前兩年多飛傭生涯我已經飛左近300個航次，其中三分二以上係layover,姐係要pack喼帶行李。係長期訓練之下我pack喼去玩需要半個鐘，pack野番工需時5-15分鐘。咁有自信？其實我有好多次都唔記得帶野：

事例一

飛悉尼唔記得帶眉筆。好簡單姐，好彩發現得早，去買就得

事例二

飛Algeris 成個化妝袋都冇帶，仲要係酒店pick up之前一個鐘先發現！搵晒全部行李只係搵到唇膏、睫毛液同Blush，連公司既minimum makeup的標準都達不到，酒店周圍又咩都冇，咁唯有就係靠自信搭夠啦！好彩呀姐好人，冇人發現（理會）我個妝！

事例三

飛Zurich 冇帶褲。突然roster change飛瑞士，第一次去瑞士當然要獨撚睇雪山啦！當我飛之前仲好開心同朋友食飯，上左巴士番公司先諗起原來我冇帶褲！唔通我真係要穿制服果條褲上雪山？！之後係咁問人點算，終於問到去過既crew原來機場有H&M!於是我就著住制服條褲去買褲著～柒的指數都冇著住制服條褲上雪山咁高既！

事例四

飛lagos冇帶牙膏～飛左10個鐘聞左10個鐘既非洲味之後，終於有得休息，點知一入到去酒店房又係一大陣非洲味。any肥攰到死想沖完涼之後，刷個牙訓下晏覺，點知發現冇帶牙膏！咁當然打去front desk問下有冇牙膏啦，點知冇晒貨…咁係好攰之下我食左粒mint就訓覺。由於出去唔太安全而我又冇帶衫著出去，所以結果我兩日都冇刷牙，只係靠mint除下口氣。好彩飛番黎冇比人投訴我口臭，呃或者可能係非洲味蓋過左我既口氣啦～

仲有n次冇帶袋、著住睡衣出去同crew食飯行街等等，正所謂出得黎行最重要有自信呀嘛！last minute 先發現唔記得帶對絲襪做替換？好簡單姐，著番對臭絲襪咪得囉，最多噴下香水，最緊要有自信呀嘛！仲要抱住係cabin放完屁再指住個客話你仲咩放屁咁臭既精神，咁就冇有怕啦。

其實空姐都係普通人一個，睇到依道如果你仲係對空姐充滿幻想，覺得空姐係唔會放屁，同對空姐著過未洗既絲襪有性趣，咁我會送你係美國機著左近30個鐘充滿臭汗加上沾上印度味阿拉伯味同巴基斯坦味既絲襪一對加一張精神科卡片，及早求醫把啦！

作者：YING
駐中東空姐，最愛DAY OFF 歐洲獨遊！