空姐分享｜與菇相處之道

正所謂 愛笑的女孩 運氣不會太差
我信架 呢句野套用落乜情況都好能岩用
係女人佔大多數既行業 你更加要懂得同人相處
就係你有幾易接近
我地返工前有個briefing
阿姐成日都提我地 Always keep a smiling face
其實唔止對passenger 對crew都一樣
西口西面係人都唔敢同你講野啦
咁我又唔會斷定個個空姐都會咁先既
但係想營造一個smooth & happy flight
其實係好睇大家態度
瑪利奧試過 返工briefing時到阿姐塊面cool到黑色
成班薯仔頓時好緊張 都唔敢同佢講野
事關呢位阿姐好出名 同佢飛既同事都無不淆底腳震 
拿拿拿 大既擺個咁既姿態 做細既點開心得落？一陣仲點食得落飯？ 
呢班機就係咁處於一個崩緊既狀態
個個都驚唔小心踩親佢條尾而命喪黃泉
亦試過有班機 幾個阿姐都係好好人 無架子 
一齊做野唔該前唔該後 最緊要係記得你個名！
唔係叫你「阿妹」「阿女」 大家輕輕鬆鬆咁做野
心情好對d客都好d 笑得都真心d丫！
拿你話丫 個對比個影響係幾咁大
所以呢 大家都係逗份人工 何必太認真 西口西面傷心又傷身架嘛
-
作者：瑪莉奧
現役運輸業員工，食物鏈底層掙扎中，膠妹一名，宅而不毒，有鋪旅行癮（尤其是快閃）。