小編去旅行｜希臘雜談－Fira住宿

一場去到聖托里尼島，有啲旅客堅持要住洞屋，洞屋係當地特色，白色牆身加藍色的門。住唔住洞屋嘅意見都幾兩極，一係就極力推薦，一係就非常反對。因為始終小島的住所依山而建，要去到目的住所可能要行好多級樓梯，帶住個喼上上落落就更加辛苦！

準備好腳力，要不停行上行落

聖托里尼嘅洞屋由鑽探火山岩而建造，可以抵擋冬天烈風和夏日炎熱嘅太陽。土牆有如天然嘅溫度調節器，喺夏天令屋內嘅人保持涼快、冬天保持溫暖！一眾高高低低嘅洞屋面向海，令屋內嘅人有好好嘅視野，可以睇到有冇海盜/船隻嚟緊！

價錢先決
小編喺三月底去聖托里尼，考慮住宿主要因素：價錢。所以入住了以下旅館：

利申：網上圖片

Romantic Spa Resort

價錢取勝，一晚唔洗500港紙，當然亦有代價！就係距離市中心15至20分鐘步行距離，睇你介唔介意啦。

尋找飯店的路上

房間都一應俱全嘅，乾淨空間，有梳妝台、茶几、衣櫃、風筒、電視、有露台，洗手間大小OK，唔係白雪雪果種乾淨。係訂房網嘅相都非常接近真實架啦。

好處：
價錢平
向海
夏天可以用游泳池(淡季太凍太大風用唔到)
近機場

淡季都幾大風，所以有晚早咗返去，夜晚嗌咗間意大利餐廳外賣，食意粉、Pizza。

有一日租車去玩，係老闊娘幫我line up佢個朋友嘅租車公司，正常，無伏。

缺點：
離市中心步行15-20分鐘
夜晚係飯店想食嘢就要叫外賣
唔係特色洞屋

美景先決
訂房前，小編都做過唔少research，如果大家只求美景，不求天氣/多樓梯/價錢，可以揀都好多人幫襯嘅呢間：

利申：網上圖片

Day Dream Luxury Suites

俾貴價錢住靚房，小編覺得夏天去就最物超所值，但淡季都睇到美景嘅，無得游水啫。

呢間Day Dream Luxury Suites 內裡保留洞屋特色，外表摩登，由於佢係比較山上面，所以有個近乎海天一色嘅泳池。

好處：
影靚相
感受住洞屋
恆溫泳池
靚裝潢
較近市中心

缺點：
提住行李箱搵酒店
一晚價錢數以千計

咸魚白菜各有喜愛，去旅行從來都係豐儉由人，住平酒店，可以留起錢做其他嘢。住貴酒店，比得起錢，盡情享受。祝大家玩得開心！