小編去旅行｜希臘雜談－治安/沒被偷但被非禮

出發去希臘前，睇過好多網上遊記，都叫旅客喺雅典旅遊區及地鐵要特別小心，因為雅典同其他歐洲城市一樣多小偷。

自2008金融海嘯以來，揭示希臘經濟不景，失業率達20%多，2010年希臘更宣布破產。誠然，從客觀因素來看，去希臘小心為上是應該的。

地鐵偷嘢？
綜合網上遊記，唔少人都係喺擠逼的地鐵不知不覺間被偷嘢。有時賊人亦會有特別嘅方法，有朋友分享過，係地鐵有老人聊佢講嘢，然後落車時都發現自己唔見嘢，有機會有同伴係附近接應。又或者係落車時有人特別讓你落先，然後係你後面偷嘢。

朝早無咩人坐，但正常時候去到monastiraki附近幾個站都好多人上車。

小編真心覺得自己係好彩的一群，暫時未喺外地試過被偷嘢。當然我亦唔會著得非常光鮮，亦唔係拎iPhone。會揹背囊同埋帶一個好多拉鏈格嘅斜咩袋仔。

個袋大果格唔易開。聽過朋友用索帶或用鎖扣起背包拉鏈。

小編個背囊就咁睇都覺得難開，我亦唔會將貴重嘢放係前面兩個拉鏈細袋，只會放垃圾。大果格可以係前面頂端打開，或者有側拉鏈，揹起咗個背囊時拉鏈位置靠近背部，有人拉開應該都會幾明顯，而且我將銀包放係背囊最低，個賊都幾難拎到。

所以我冇特別加扣或者索帶扣起拉鏈位。so far都無問題，當然係人多果陣我會將背囊揹係前面，求個安心。本身我亦都係小心嘅人，就算個袋係後面，我都會不停郁身郁勢，或者向後望。(疑心病)

不過有一晚坐地鐵返酒店期間，同朋友企咗係度，就冷不勝防地被一個貌似流浪漢嘅人捏咗一下臀部，嗚呀～由於佢係我後面，我唔確認係唔係佢，而係我尖叫一吓後，貌似非禮小編的流浪漢已經係度炸死，扮哂咳得好辛苦，所以到站我拿拿聲走咗。

女仔要好好保護財物之餘，都要留意有冇人不懷好意埋身呀！

黑人賣手繩？
喺 monastiraki，都會見到賣手繩嘅黑人。相信去歐洲嘅大家，都一定聽過佢地係法國巴黎聖心堂外都好多黑人，想將手繩綁到遊客手上，然後索取金錢。

喺希臘感覺佢地冇咁猖獗，有一晚同朋友係monastiraki戶外餐廳食晚飯，就被黑人搭訕，以周邊嘢黎開話題，講講下，到戲肉，就話送條手繩俾我朋友，不過，呢位黑人就無獅子開大口。佢綁完手繩後，就捉住朋友隻手畫十字架，話祝福佢。

然後叫我朋友隨意俾一樣佢，不限金錢的。即係自由定價？！最後俾咗幾歐佢。但過程我不停話NO.NO.NO！哈（無計，聽得太多騙案）