中東空姐｜飛機餐的故事之三

Crew既飛機餐叫做crew meal，而食crew meal就有另一層意義。唔知係咪依份工太簡單，大家除左番工，就係食訓玩，所以太無聊，得閒要搵d野搞下！

 Crew meal來自世界各地，有泰國菜菲律賓菜日本菜歐洲菜拉美菜等等任君選擇！由於每一程機都同唔同crew飛，所以有時候我覺得每程機都老作一d自己既野，都跟本冇人會知！所以cheating真係好容易！ 我有聽過有兩個本來唔識既crew傾傾下計，發現左原來佢地既所謂男朋友，原來係同一個人黎！

亦有聽過，有班機既機師同副機師，佢地又傾傾下計發現原來個女朋友係同一個人，之後⋯聽說⋯個女仔既下場慘絕人寰⋯ 我亦都遇過d同事，我諗佢地黎番工既目的，就係食盡全世界不同菜式既crew meal，仲好樂意同人分享佢食野既經驗！雖然聽唔少，但始終無法理解到咁既行為。 話說係一年多前既一次training，係需要空姐空少坐底同機頭佬一齊上堂。而同我同一組既加拿大機長，佢一坐底就不停講野，多野講到大家都唔想理佢。

之後落堂我要去整電話，就冇同其他crew一齊坐公司車番屋企，自己去截的士。而依個口水佬機頭佬就見到我截車，就話車我去，而我又突然冇咩危機感咁就上左車！之後我就開始十級後悔⋯⋯⋯

佢開始讚我smoking hot，呃，其實今日難得冇人check我有冇化妝，我真係頭都冇梳，起身刷牙就出門口，咁你都覺得我hot，咁我真係冇野講！然後佢就開始講佢d囡囡既故事！佢話之前公司仲有飛越南定唔知邊個東南亞國家果陣，佢係果邊有頭家。

而所謂既家，係指佢買左定唔知租左間屋，入面住左三名年輕女子，佢就個個月都飛過去寵幸佢地啦，聽上黎係咪好似古代皇帝咁！我聽到既第一個反應係x你老母唔x係呀？你唔係想approach 我既咩，做咩要同我講你d淫亂故仔？

當然我仲坐緊佢車，就扮下想聽佢講故仔啦！我問佢：下！佢地住埋一齊唔會呷醋既咩？佢就話：佢地好似姐妹咁感情好好！有時我過去搵佢地都唔一定要搞野，一齊訓下教咁啦，不過自從冇得飛過去之後，我都冇去搵佢地啦！

嘩我真係大開眼戒！之後等燈果陣，佢仲比佢d囡囡既相我睇添。到底個故事既真實性有幾高我唔知啦，但係作為一個識左幾個鐘既陌生人黎講，佢都算幾好人，幫我搵到幾難搵既整電話舖頭，陪我等仲諗住車埋我番屋企！

咁我當然搵藉口自己走唔使佢車啦！比佢知道我住邊仲得了既？！臨走果陣，佢自己仲爆左句，頭先班同事見你上我車，都應該諗佢仲咩咁睇唔開上果個機師車。嘩原來你都有自知自明嫁？之後又讚多我一次smoking hot，此時我那雙眼已經反到唔識落番黎。

遇到個咁既奇葩，都算係crew meal故事既經典！