中東空姐獨遊記｜Granada 阿拉伯風的西班牙城市

冬天去歐洲除左睇雪有咩做？如果你係怕凍而且又咁岩冬天有假想去歐洲，以下依個地方就岩晒你啦！就係西班牙南部既Granada! 雖然冬天可能都會低到十度，但係地中海氣候加上比香港乾，一出太陽就覺得好溫暖！我去既時候係5月中，但係就已經熱到出晒汗，7月8月係40幾度高溫，所以最佳時候係冬天去啦！

Granada位於Nevada山脈之下，最出名既係列入世界遺產既Alhambra阿爾罕布拉宮，曾經係Iberia半島摩爾皇朝既首都，所以會有好多阿拉伯建築。成個城市話大唔大話細唔細，斜坡又多，唔怕行者如我就可以一日行晒成個城市！

抬頭望上去古代市集的門口，發現特色阿拉伯建築

好多世紀前既交易市集，個井個walking tour導遊話有D特別，但飛傭飛得多記性唔好，已經唔記得左有咩咁特別

歐洲到處都有人係街頭表演這種樂噐，配上阿拉伯建築，感覺喚然一新

成個舊城都充滿古典既阿拉伯式風格，好似身處係電影入面咁！Base係中東既我黎到咁阿拉伯風既市集，突然覺得Granada比中東更中東，有一種去中東旅行既感覺！

中東既市集叫Souq，因為係西班牙，我就叫依度做Spainsh Souq，成條街都係賣中東特式既碗、神燈、餐廳、水煙等。行walking tour時我問導遊，條街係咪係摩爾時期已經有，佢話條街係北非既移民搞出黎既，而且之前摩爾人比西班牙天主教趕走的時候，所有既伊斯蘭教徒都被趕走或被迫改信天主教，你係街上見到戴頭巾的都是北非移民。繼續往上行就去左一大堆係山坡上起既白色房，地中海風之餘又有阿拉伯特色！呃，可能你唔明我講咩，睇相啦！

第二日就去Alhambra啦！由於係世界文化遺產，太多人慕名而來加上要保護古遺，每日都有限人數入去參觀，而我由於太遲做功課，唔知要提早最少兩個星期係官網訂門票，好彩係我好努力咁搵網上資料之下，搵到好幾個方法！

方法一，早上8點係售票處排隊買飛，每日一開門都有少量門票比人Last minutes入去參觀，由於唔可以100%確定買到飛入去參觀到，所以我冇咁做到！

方法二係send email問hostel/hotel，有D hostel/hotel都會預留門票比入住客人，但唔係每間都會有咁既服務，我太Last minute所以怕問左但覆唔切，所以最後我用左第三個方法！

方法三係買Granada Card，可以網上訂完去tourist centre拎，或直接去tourist centre買，費用係39.5歐，貴係貴D但除左宮殿仲有好幾個博物館可以參觀，同堆可免費使用市內交通，所以如果唔只去宮殿去埋其他景點其實幾抵既，可惜我冇咁既時間！買左Granada card再預約埋Nasrid Palaces參觀時間，咁就搞掂！
成個Alhambra有三個部份，分別係花園、Alcazaba同Nasrid Palaces

花園除左有花花草草好似歐洲既王宮花園之外，仲有阿拉伯特色水池。唔，我都知我介紹得好好嫁啦，因為我對個花園真係冇咩興趣，遊花園只係為左等夠鐘去參觀Nasrid Palaces咋！之後就行到Alcazaba:

阿拉伯的建築都是用上幾何圖案，是因為他們視人像或動物的畫像為偶像崇拜。雖然Based在中東每天都會看到以幾何圖案作裝飾的建築，但是還會為Alhambra的典雅感到驚訝！好像穿越時空回到古代！

之後就到城堡區，可以看到Granada全景。我本以為那綠紅的是葡萄牙旗，後來先知道係Granada旗，唔係我太思鄉，而係真的太像啦～